Vdes aktori i njohur shkodran Gëzim Kruja
Vdes aktori i njohur shkodran Gëzim Kruja
Publikuar me: 05 Pri 2020

Ka ndërruar jetë aktori i njohur  shkodran Gëzim Kruja i cili prej kohësh vuante nga sëmundje degjenerative. Aktori i njohur për skeçet e tij ka bërë të qeshë për shumë vite shqiptarët ndërsa vitet e fundit ai ka vuajtur nga sëmundje ku nuk ka mundur më t'i rikthehet karrierës së tij.

Gëzim Kruja ka lindur në Shkodër, në vitin 1939. Karrierën humoristike e ka nisur që në moshën 13-vjeçare. Fillimet me Estradën amatore nisin që në kohën kur ishte ushtar më 1958. Më pas vazhdon aktivizimin në vitin 1960 me Estradën profesioniste të Shkodrës. Gëzim Kruja ka mbaruar në vitin 1979 Institutin e Lartë Pedagogjik, dega e Gjuhës dhe Letërsisë në Shkodër. Ka shkruar 15 komedi, 10 recitate, 2 libra me monologë gazmor. Ka interpretuar mbi një mijë role në skeçe të ndryshme dhe ka 52 vite që ushtron profesionin e humoristit. Në vitin 2004 ka marrë titullin “Krenaria e Qytetit”. Në vitin 2005 merr titullin “Naim Frashëri i Artë” dhe në vitin 2010 titullin “Mjeshtër i Madh”

Burimi: veriu.com Editor: Lexuar 72 here

Tags: 1

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bëjnë 1 plus nje? (shkruaje me germa rezultatin)
EMRI