Llogaria ime
AOL Portal
Sport

Pandemia globale, Bundesliga shfaq planin e rinisjes..


Një pjesë e mirë e klubeve të Bundesligës Gjermane kanë rinisur stërvitjen nën masa të forta sigurie dhe me grupe jo më shumë se 8 lojtarë, për t’u përgatitur për rifillimin e sezonit pas ndërprerjes që u bë rreth një muaj më parë.

Sipas të përditshmes gjermane “Bild”, liga gjermane e futbollit po planifikon edhe mënyrën se si do të zhvillohen të gjithë ndeshjet e mbetura të Bundesligës, deri në mbyllje të sezonit.

Kështu bëhet fjalë për ndeshje me dyer të mbyllura, ndërsa në total mes fushës dhe tribunës pritet të ketë një numër maksimal prej 239 personash të seleksionuar me kujdes, për të ulur sa më shumë riskun e infektimit nga Covid-19.

Kështu 126 do të jenë në fushë dhe përreth saj, numër në të cilin përfshihen lojtarët e të dy skuadrave, stafet teknike e mjekësore, stafi i transmetimit dhe kapësit e topave, që do të jenë vetëm 4, nga 12 që janë zakonisht.

Pjesa tjetër prej 113 personash do të jenë të vendosur në tribunë dhe bëhet fjalë për gazetarë, përgjegjës sigurie dhe jo më shumë se 8 drejtues të çdo klubi. Numri prej 239 personash është ulur ndjeshëm nga ai prej 600 personash që ishin të pranishëm në ndeshjen Monchengladbach-Koln, para se të ndërpritej kampionati.


Tags: 1
Lexuar 65 here / Marre nga supersport.al
65
  
0

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)
EMRI


A mendoni se kampionatet duhen anulluar për këtë sezon?