"Një kapsulë kohe në fund të detit": Zbulohet anija e mbytur më e vjetër në botë, i përket epokës së Piramidës së Gizës

Një zbulim i jashtëzakonshëm arkeologjik ka revolucionarizuar historinë e lundrimit: në brigjet e ishullit Kekova, në Turqinë jugore, një ekip arkeologësh nënujorë i udhëhequr nga profesori Hakan Oniz nga Universiteti Akdeniz ka identifikuar anijen e mbytur më të vjetër në botë të njohur deri më sot. Kjo anije tregtare daton në një periudhë midis 4,400 dhe 4,700 vjet më parë (Epoka e Bronzit), e njëjta kohë kur në Egjipt po ngrihej Piramida e Madhe e Gizës.

Ndërsa struktura prej druri e anijes ka humbur përgjatë mijëvjeçarëve, fundi shkëmbor i detit ka ruajtur të paprekur ngarkesën e saj të çmuar. Në rreth 30 metra thellësi janë gjetur tri ankorave guri dhe mbi 30 amfora qeramike, të cilat mbajnë ende gjurmë të dukshme të mallrave të transportuara. Ky zbulim i jashtëzakonshëm po përshkruhet nga ekspertët si një "kapsulë kohe" e vërtetë, e aftë të ndriçojë rrugët e para tregtare dhe teknikat e lundrimit në Detin Mesdhe.