Alarm shëndetësor: Kanceri në rritje tek të rinjtë nën 50 vjeç, zbardhen 7 format më agresive
Një analizë e re e gjerë ndërkombëtare e publikuar nga World Cancer Research Fund (WCRF) ka konfirmuar një tendencë tejet shqetësuese për mjekësinë moderne: rastet e kancerit po pësojnë një…
Ndaje
Një analizë e re e gjerë ndërkombëtare e publikuar nga World Cancer Research Fund (WCRF) ka konfirmuar një tendencë tejet shqetësuese për mjekësinë moderne: rastet e kancerit po pësojnë një rritje të ndjeshme te të rriturit e rinj, përpara moshës 50-vjeçare. Edhe pse sëmundja mbetet statistikisht më e shpeshtë tek moshat e vjetra, ritmi i rritjes së diagnozave te brezat e rinj në vende si Anglia, Shtetet e Bashkuara dhe Holanda po cilësohet nga ekspertët si një "bombë me sahat".
7 llojet e kancerit në rritje të hovshme
Raporti i WCRF specifikon se rritja nuk është uniforme për të gjitha llojet e tumoreve, por prek veçanërisht shtatë forma specifike te pacientët nën 50 vjeç:
- Kanceri i gjirit (te gratë): Me një rritje statistikisht shumë të lartë ndër vite.
- Kanceri kolorektal (i zorrës së trashë): Forma që po regjistron numrat më alarmues te të rinjtë.
- Kanceri i mitrës dhe i qafës së mitrës: Ndikohet edhe nga ndryshimet e monitorimit screening.
- Kanceri i pankreasit: Një nga tumoret më agresive që po shfaqet gjithnjë e më herët.
- Kanceri i stomakut: I lidhur ngushtë me ndryshimet e dietës ushqimore.
- Kanceri i veshkave: Në rritje të vazhdueshme te dy gjinitë.
- Kanceri i mëlçisë: I ndikuar nga faktorë metabolikë dhe toksikë.
Kush janë shkaqet kryesore?
Sipas hulumtimit të pasqyruar në Corriere della Sera, shkencëtarët vlerësojnë se rreth 40% e këtyre tumoreve janë të parandaluar pasi lidhen me faktorë të stilit të jetesës që mund të ndryshohen:
- Ushqimet ultra-të procesuara: Dietat moderne të pasura me yndyrna, sheqerna dhe kimikate ndryshojnë mikrobiomën e zorrëve, duke krijuar terren për inflamacione kronike.
- Obeziteti dhe mbipesha: Kanë arritur nivele rekord te brezat e lindur pas viteve '80.
- Mungesa e aktivitetit fizik: Stili i jetës sedentare redukton mbrojtjen natyrale të organizmit.
- Alooli dhe duhani: Konsumi i hershëm apo i tepërt mbetet një faktor rreziku madhor.
Çfarë duhet të ndryshojë në parandalim?
Të dhënat e reja po detyrojnë sistemet shëndetësore të rishikojnë strategjitë e tyre. Ekspertët theksojnë se nëse një 40-vjeçar shfaq simptoma si gjakderdhje e pashpjegueshme, rënie drastike në peshë apo anemi persistente, ai nuk duhet të qetësohet apo të injorohet nga mjekët thjesht sepse "është shumë i ri për të pasur kancer". Sfida e ardhshme nuk do të jetë vetëm ulja e moshës së kontrolleve (screening) për të gjithë, por aftësia për të identifikuar më herët personat që kanë rrezikshmëri të lartë gjenetike ose metabolike.
Lexo edhe
Komentet (0)
Ende asnjë koment. Bëhu i pari.