Qelizat tumorale si "zombi": si maskohen për t’i shpëtuar kimioterapisë dhe si mund të bllokohen
Një studim i ri shkencor i publikuar në revistën Science Advances ka zbuluar një strategji të sofistikuar që qelizat tumorale përdorin për t’i shpëtuar trajtimeve: qelizat malinje hyjnë në një…
Ndaje
Një studim i ri shkencor i publikuar në revistën Science Advances ka zbuluar një strategji të sofistikuar që qelizat tumorale përdorin për t'i shpëtuar trajtimeve: qelizat malinje hyjnë në një gjendje plogështie të parakohshme, duke u shndërruar në "qeliza zombi" që mashtrojnë sistemin imunitar për të nxitur mbijetesën dhe përhapjen e tyre.
Zbulimi i kryer nga studiuesit e Institutit Smurfit të Gjenetikës në Trinity College të Dublinës nxjerr në dritë këto pika kryesore:
- Maskimi dhe mashtrimi biologjik: Gjatë kimioterapisë, disa qeliza tumorale nuk vdesin, por bllokojnë procesin e vetëshkatërrimit të programuar (apoptozën) përmes proteinave të quajtura IAP (Inhibitor of Apoptosis Proteins). Duke u hequr si gjysmë të vdekura ("zombi"), ato bëjnë që sistemi imunitar të aktivizojë mekanizmat që normalisht kurojnë plagët e trupit.
- Rritja e tumorit nga vetë sistemi imunitar: Ky mashtrim e shtyn sistemin imunitar të stimulojë ndarjen qelizore dhe të krijojë enë të reja gjaku për të dërguar ushqyes dhe oksigjen tek indet e dëmtuara. Si rrjedhojë, ky proces ndihmon pa dashje përhapjen dhe shtimin e qelizave maligne.
- Shpresa për kura të reja: Eksperimentet treguan se duke përdorur një klasë të re medikamentesh të quajtura "antagonistë të IAP-ve", mburoja e këtyre qelizave "zombi" mund të shkatërrohet. Kjo bën që ato të detyrohen të ndjekin programin e vetëshkatërrimit, duke hapur rrugën për trajtime shumë më efikase në kombinim me kimioterapinë tradicional.
Lexo edhe
Komentet (0)
Ende asnjë koment. Bëhu i pari.
