Berisha fton opozitën në front të përbashkët kundër Ramës: Të bashkohemi për rrëzimin e qeverisë

Kryetari i Partisë Demokratike, Sali Berisha, ka dërguar një mesazh bashkëpunimi për të gjitha forcat politike në vend gjatë një takimi të zhvilluar në Kukës me strukturat e PD-së së…
Ndaje
Kryetari i Partisë Demokratike, Sali Berisha, ka dërguar një mesazh bashkëpunimi për të gjitha forcat politike në vend gjatë një takimi të zhvilluar në Kukës me strukturat e PD-së së Kukësit, Hasit dhe Tropojës. Duke iu referuar shprehjes “Armiku i armikut tim është aleati im”, kreu i demokratëve u shpreh se opozita është e hapur të bashkojë forcat me këdo që e sheh largimin e kryeministrit Edi Rama si prioritet kombëtar.
Sipas Berishës, kjo aleancë nuk kërkon shkrirjen e partive apo heqjen dorë nga bindjet dhe identiteti i secilës forcë politike. Ai theksoi se interesi i Shqipërisë duhet të vendoset mbi flamurin e partisë, në mënyrë që qytetarët të kenë mundësinë të votojnë të lirë pasi të jetë rrëzuar qeveria aktuale.
Gjatë fjalës së tij, lideri i PD-së vlerësoi rolin 35-vjeçar të partisë në vendosjen e pluralizmit dhe akuzoi qeverinë se po e çon vendin drejt një regjimi që nxit shpopullimin. Ai falënderoi demokratët e veriut për qëndresën e tyre dhe veçoi rolin vendimtar të protestave të muajve të fundit. Berisha përgëzoi veçanërisht studentët dhe gjimnazistët, duke u shprehur se revolta e të rinjve dhe lëvizja qytetare kanë krijuar një klimë të re opozitare që i ka dhënë qeverisë një goditje të fortë politike.
Komentet (0)
Ende asnjë koment. Bëhu i pari.