Tragjedi në Kamëz: Ushtaraku vret dy vëllezër dhe plagos të tretin pas një konflikti

Një ngjarje e rëndë ka tronditur Bathoren në Kamëz, ku një konflikt për motive të dobëta (sherri ka nisur për një mur rrethues) ka përfunduar me dy të vrarë dhe një të plagosur. Autori i dyshuar i krimit është shtetasi Ngushëllim Manzi, 40 vjeç, efektiv i Policisë Ushtarake. Ai ka qëlluar me armë zjarri (pistoletë) në drejtim të tre vëllezërve. 

 

Si pasojë e të shtënave, kanë humbur jetën vëllezërit S. I., rreth 30 vjeç, dhe N. I., 48 vjeç. Vëllai i tretë, Sh. I., 44 vjeç, ka mbetur i plagosur dhe ndodhet në spital nën kujdesin e mjekëve. Policia ka ndërhyrë menjëherë në vendngjarje në rrugën "Petrela", duke bërë të mundur kapjen dhe arrestimin e autorit, si dhe sekuestrimin e armës së krimit.