Thaçi: Ata që hyjnë ilegalisht do të përballen me autoritetet legale

Kryeministri Hashim Thaci në një dalje publike për mediat ka komentuar hyrjen ilegale në veri të kryenegociatorit serb Borisllav Stefanovic, i ngarkuar për bisedimet me Kosovën. Thaci tha se herët a vonë, ata që hyjnë ilegalisht do të përballen me autoritetet legale. Ndërsa kreu i LDK-së, Isa Mustafa, ka qenë më i ashpër në deklaratat e tij. Ai u shpreh se Kosova nuk duhet të hyjë në bisedime me persona që përkrahin strukturat paralele dhe krimin e organizuar në veri të Kosovës.