Europa League, avancon Kukësi, ikën Teuta
Kukësi ka arritur të kalojë në fazën tjetër të Europa League, pasi ka fituar minimalisht 0-1 në Malin e Zi ndaj Rudarit.Një gol i shënuar nga Guri 11 minuta nga fundi i ka mjaftuar ekipit të drejtuar nga Hasan Lika…
Ndaje

Kukësi ka arritur të kalojë në fazën tjetër të Europa League, pasi ka fituar minimalisht 0-1 në Malin e Zi ndaj Rudarit.
Një gol i shënuar nga Guri 11 minuta nga fundi i ka mjaftuar ekipit të drejtuar nga Hasan Lika për të mposhtur malazezët dhe për të kaluar në fazën tjetër, pasi ndeshja e parë në “Elbasan Arena” përfundoi me rezultatin e barabartë 1-1.
Kukësi zhvilloi një ndeshje më të mirë se kundërshtarët, por në minutën e 65 mbeti me një lojtar më pak pas daljes me kartonin e kuq të Grecës.
Por, pavarësisht inferioritet numerik, Kukësi gjeti forca dhe arriti të shënojë golin që vlejti kualifikimin me anë të Gurit.
Ndërsa, Teuta u mposht edhe në ndeshjen e dytë nga Kairat Almaty, madje me rezultatin e thellë 5-0, duke i dhënë lamtumirën që në këtë fazë Europa League. Durrsakët humbën edhe në ndeshjen e parë 0-1.
Por humbja e së enjtes për durrsakët duket se nuk do të kalojë lehtë.
Sipas gazetës ''Panorama Sport'', zyrtarë të kompanisë së basteve Federbet i kanë telefonuar të përditshmes sportive shqiptare në pushim të ndeshjes duke e njoftuar atë se ndeshja po shitej.
''Është plotësisht e shitur, jemi të shastisur nga ajo që po ndodh. Kështu si po shkon, do mbyllet 4 ose 5-0 ''- janë shprehur zyrtaret e Federbet ne pushimin e ndeshjes kur takimi ishte ende 2-0.
Dhe në fund....ndeshja përfundoi 5-0.
Vetëm një ditë përpara këtij takimi, UEFA përjashtoi Skënderbeun për trukim ndeshjesh. Teuta është e paralajmëruar për vitin tjetër. Gjithsesi, shpresojmë që asgjë të mos jetë e vërtetë në këtë rast.
Lexo edhe
Komentet (0)
Ende asnjë koment. Bëhu i pari.