Uefa mund të dënojë Paris Saint Germain

Situata në shtëpinë e Paris Saint Germain është shqetësuese, sepse pas disa ditësh Uefa do të japë gjykimin e saj për dokumentat e shqyrtuara të shoqërisë franceze. 

Në nëntorin e kaluar, presidenti Nasser Al Khelaifi dhe drejtuesi Jean Cluade Blanc u thirrën nga qeveria e futbollit europian për të sqaruar disa aspekte të lidhura me menaxhimin e klubit, dhe më konkretisht, kontratën me QTA ose më ekzaktësisht zyrën turistike të Katarit, e cila derdh në arkat e Paris Saint Germain, 200 milionë Euro çdo vit. 

Një kontratë kjo që luan një rol shumë të rëndësishëm në optikën e Fair Play financiar, i cili nuk i lejon klubet të kenë një defiçit më të madh se 45 milionë Euro në vitin aktual dhe atë pasardhës.

Megjithatë sipas asaj që bën të ditur e përditshmja italiane “Corriere Dello Sport” e bazuar në mbledhjen e fundit të Uefa-s në Astana të Kazakistanit, komisionerët qeverisë së futbollit europian nuk janë bindur nga plani i biznesit që u kanë paraqitur drejtuesit e klubit francez dhe për këtë arsye përfaqësuesit ligjorë të Paris Sanit Germain janë dëgjuar nga komisionerët e Uefa edhe 7 marsin e kaluar në Lozanë. 

Në ndryshim nga Paris Saint Germanin ka qenë më i suksesshëm plan-biznesi i paraqitur nga Manchester City. Në fakt marrëveshja me Qta duket se nuk do të jetë në gjëndje t’i mbulojë të gjitha shpenzimet e Parisit ,pasi ka lidhje të drejtpërdrejta me pronarët e klubit dhe në këtë mënyrë situata e skuadrës pariziene në të ardhmen mund të ndërlikohet së tepërmi. 

Drejtuesit e Uefa-s mund të mos mjaftohen me vetëm një paralajmërim dhe mund të marrin masa të ashpra ndaj Paris Saint Germain, si për shembull heqjen e një titulli kampion në Francë, zbritjen e disa pikëve në klasifikim apo edhe përjashtimin nga kompeticionet europiane në zhvillim, apo ato të viteve në vazhdim.