Ancelotti te Reali brenda 24 orësh?

Real Madridi pritet ta konfirmojë Carlo Ancelottin si trajner të skuadrës brenda ditës së hënë – njofton Sport.

Sipas gazetës spanjolle, menaxheri gjeneral i Los Blancos, Jose Angel Sanchez, ka qëndruar në Katar për tri ditë për të negociuar lirimin e strategut italian nga Paris Saint-Germaini. 

Për më shumë, presidenti i Florentino Perez të shtunën është takuar në Madrid me agjentin e trajnerit, Ernesto Bronzetti, për të diskutuar kalimin e tij në Bernabeu. 

Reali do të fillojë përforcimin e skuadrës, pasi që 54-vjeçari të angazhohet si trajner. Sulmuesi i Napolit, Edinson Cavani dhe mesfushori i Juventusit, Arturo Vidal, janë dy kërkesat e Ancelottit.