"S’duam pezullime, duam burgosje": Revoltë mbarëkombëtare në Kosovë për vrasjen e Arlinda Zekajt

Ditën e dytë radhazi, qindra protestues kanë mbushur rrugët e Prishtinës për të kërkuar drejtësi të prerë për Arlinda Zekajn, e cila u vra pak ditë më parë në Pejë nga ish-kunati i saj. Nën thirrjet e ashpra drejtuar institucioneve të sigurisë dhe drejtësisë, kërkesat e qytetarëve kanë kapërcyer masat administrative: ata nuk mjaftohen më me pezullime, por kërkojnë shkarkime, ndjekje penale dhe burgosje për zyrtarët që neglizhuan mbrojtjen e viktimës. 

Revolta qytetare u zhvendos përpara Ministrisë së Drejtësisë, Këshillit Gjyqësor dhe Stacionit Policor “Qendra”. Gjatë marshimit, organizatorët lëshuan me zë të lartë një audio-incizim ku dëgjohej Arlinda Zekaj duke biseduar dhe kërkuar ndihmë nga zyrtarët policorë në Pejë.

Sipas organizatorëve nga Kolektivi për Mendim dhe Veprim Feminist, rasti i Arlindës dëshmon se si sistemi i nënvlerëson dhe i përçmon gratë që raportojnë dhunën. Akuzat kryesore ranë mbi shefin e hetimeve në Pejë, Faruk Muqolli, i cili sipas protestuesve u "lodh" nga përgjërimet e viktimës për siguri dhe dështoi ta mbronte atë deri në frymën e saj të fundit.

 

 

Aktivistja Anitë Nikaj paraqiti kërkesat e protestuesve për ndjekje penale dhe burgosje ndaj zyrtarëve përgjegjës, si dhe dorëheqjen e disa prej figurave kryesore institucionale të vendit.

Në përgjigje të presionit publik, autoritetet kanë ndërmarrë hapa të parë administrativë:

Protestuesit i cilësuan këto masa si të pamjaftueshme dhe paralajmëruan vazhdimin e protestave deri në vënien e plotë të drejtësisë.