Vrasja e Arlinda Zekajt në Kosovë: Ish-bashkëshorti dërgohet në paraburgim, kunati mbetet në arrati
Dy ditë pas vrasjes tronditëse të Arlinda Zekajt, autori i dyshuar i krimit, kunati i saj Albert Sylaj, ndodhet ende në arrati. Gjatë kontrolleve në shtëpinë e tij, Policia e…
Ndaje
Dy ditë pas vrasjes tronditëse të Arlinda Zekajt, autori i dyshuar i krimit, kunati i saj Albert Sylaj, ndodhet ende në arrati. Gjatë kontrolleve në shtëpinë e tij, Policia e Kosovës ka bastisur ambientet dhe ka sekuestruar një arsenal të vërtetë armësh të ftohta dhe zjarri. Ndërkohë, Prokuroria ka kërkuar paraburgim për ish-bashkëshortin e viktimës, Jeton Sylaj, i cili akuzohet për dhunë psikologjike dhe mospërfillje të urdhrave të gjykatës.
Bastisja e shtëpisë së autorit
Policia ka gjetur dhe sekuestruar në shtëpinë e të arratisurit Albert Sylaj një sasi të konsiderueshme armatimi:
- Armë zjarri dhe municione: Një pushkë gjuetie, disa karikatorë dhe pajisje armësh, si dhe 153 fishekë e 115 gëzhoja.
- Armë të ftohta: Tri thika, një bajonetë dhe një sëpatë.
Kërkesa për paraburgim e ish-bashkëshortit
Prokuroria Themelore e Pejës ka kërkuar masën e paraburgimit për Jeton Sylaj. Ai kishte një urdhër të prerë nga gjykata për të mos ushtruar asnjë lloj dhune fizike apo psikologjike, si dhe për të mos e penguar apo shqetësuar ish-bashkëshorten. Megjithatë, ai e kishte kërcënuar sërish Arlindën me fjalë dhe kishte hedhur rrobat e saj në oborrin e shtëpisë.
Lexo edhe
Komentet (0)
Ende asnjë koment. Bëhu i pari.
