Rasti "Vishkulli", AMP dhe Prokuroria nisin hetimet, pezullohet efektivi i "Shqiponjave"

Ndërsa Policia e Shtetit ndryshoi strategji duke instaluar kamera me rezolucion të lartë në tarracën e Kryeministrisë dhe duke mbajtur gati autobotet me ujë, presionet e pamjeve të dhunës detyruan autoritetet të reagojnë zyrtarisht.

Agjencia e Mbikëqyrjes Policore (AMP) dhe Prokuroria kanë nisur hetimet për të zbardhur rrethanat e plagosjes së Vishkullit. Paralelisht, Drejtori i Përgjithshëm, Skënder Hita, urdhëroi pezullimin e menjëhershëm nga detyra të një inspektori të Forcës së Posaçme “Shqiponja” (inspektorit A. K.). Efektivi u filmua duke dhunuar barbarisht një burrë të rrëzuar në tokë, duke shkelur hapur parimin e proporcionalitetit dhe përdorimit të forcës.

Policia shprehu keqardhje për të lënduarit – ku përfshihen edhe gazetarë të spërkatur me spraj piperi në fytyrë – dhe premtoi hetime të paanshme. Megjithatë, për studentët dhe Sindikatën e Pedagogëve që i mbështet, besimi ka humbur: kërkesa e vetme mbetet largimi i qeverisë.