Nëntë të arrestuar në Zubin‑Potok për krime lufte kundër civilëve
Policia e Kosovës ka arrestuar në Zubin‑Potok nëntë persona të dyshuar për krime lufte kundër popullsisë civile, në kuadër të hetimeve mbi "Grupin e Intelektualëve të Mitrovicës".
Ndaje
Nëntë persona u arrestuan në Zubin‑Potok, dyshuar për krime lufte kundër popullsisë civile gjatë luftës në Kosovë. Operacioni u krye në orët e para të mëngjesit dhe koduar nga Policia e Kosovës si "Dosja 23".
Arrestimet u kryen nga Drejtoria për Hetimin e Krimeve të Luftës, në bashkëpunim me njësitë e tjera të specializuara, me urdhër të Prokurorisë Speciale. Të arrestuarit dyshohen për përfshirje në veprën penale "Krime lufte kundër popullsisë civile".
Operacioni lidhet me rastin e njohur si "Grupi i Intelektualëve të Mitrovicës", një dosje krimesh lufte që përfshin 23 persona të zhdukur që nga prilli 1999, përfshirë mjekë, profesorë, avokatë dhe profesionistë të tjerë. Gërmimet në Kalludër dhe Jabukë në fund të korrikut dhe 21 gusht gjetën mbetje mortore të dyshuara për 23 persona.
Pas gjetjes së këtyre mbetjeve, hetimet janë shtrirë edhe tek personat e dyshuar për vrasjen dhe zhdukjen e tyre. Nëntë arrestimet në Zubin‑Potok janë pjesë e hetimeve të Prokurorisë Speciale dhe Policisë së Kosovës për zbardhjen e rrethanave të këtij rasti të krimeve të luftës.
Lexo edhe
Komentet (0)
Ende asnjë koment. Bëhu i pari.