Trafik droge dhe prostitucion, Kina pritet të ekzekutojë katër shqiparë

Ekzekutim me varje pritet të jetë dënimi për katër shqiptarët që u arrestuan nga policia kineze disa ditë më parë si pjesë e një rrjeti ndërkombëtar për trafikimin e drogës dhe qenieve njerëzore.

Kina ka ligje të forta për luftimin e trafikut të drogës dhe qënieve njerëzore, ku shkelesit e ketyre ligjeve mund te dënohen me vdekje pa pasur mundësi për tu mbrojtur me avokat.

Grupi ne fjale u ndalua në qytetin Xinhua dhe vepronin në bashkëpunim me një grup trafikantësh nga Nigeria, ku edhe u arrestuan 30 shtetas nigerian.

Ky rrjet ndërkombëtar vite me radhë ishte nën hetime dhe në këtë operacion ishte përfshirë edhe policia italiane dhe ajo e Togos, të cilat i ofruan informata shtesë policisë kineze.

Nga informacionet e grumbulluara shpjegohet se shqiptarët nga Shqipëria përmes rrugëve ilegale sillnin në Kinë lëndë narkotike të llojit marijuanë, ndërsa gjatë kthimit ata merrnin refugjatë duke i premtuar tokën italiane.

Kinezët paguanin shuma të mëdha parash për të mbërritur në destinacionin e kërkuar evropian.

Sipa informacioneve të policisë kineze, një nga shqiptarët kishte krijuar një rrjet të prostitucionit në këtë qytet detar duke ofruar kinezëve "femra të bardha".

Aksioni i arrestimeve u konfirmua edhe nga komandanti i forcave speciale Mario Parente në Romë.