Tiranë, monumenti "Pavarësia" villet për skrap

Monumentit  “Pavarësisa” që u përurua gjatë festimeve të 100 vjetorit  kanë filluar t’i vidhen pllakat metalike. Mbrëmjen e së hënës  dy 18 vjeçarë, Amarildo Demiri dhe  Qemal Mustafa, në bashkëpunim me njëri -tjetrin  kanë vjedhur pllakat fundore të monumentit.

Ndoshta do të kishin hequr edhe më shumë ,por mungesa e një mjeti transporti nuk i ka lejuar. Prej tij janë marrë  tri pllaka të mëdha dhe një më e vogël.
Ata kanë mundur që ti heqin pllakat me një thikë dhe një sqepar, të cilat janë sekuastruar nga policia.

Adoleshentët kanë rrëfyer se  personi që i ka blerë pllakat operon në  biznesin e grumbullimit të skarpit dhe  u ka dhënë atyre  2000 mijë lekë  të reja , të cilat  i kanë ndarë mes tyre  në mënyrë të barabartë.

Ditët e para të inagurimit monumenti ruhej nga Policia Bashkiake  dhe ata janë parë sërish vetëm pas vjedhjes së pllakave të tij.

Në brendësi të monumentit hajdutët kanë shkruar  emrat e tyre.

Monumenti i Pavrësisë , i vendosur në parkuun “Rinia”, ka ardhur  nga Austria .Ai është punuar nga artistët  Visar Obrija  dhe Kai Kiklas , dhe është  i lartë  6.5 metra, i gjerë 5.5 m dhe peshon 15 tonë.

“Është monument shumë i kushtueshëm, i cili realizohet për herë të parë në Shqipëri. Duke qenë se materialet janë të shtrenjta dhe lehtësisht të dëmtueshme, ky monument  kërkon mbrojtje  dhe vëzhgim të vazhdueshëm” citohet në gazetën “Shqip” Drejtori i Galerisë  së Arteve Rubens Shima.

Monumenti “Pavarësia” ka kushtuar 355 mijë euro.