Vllaznia fiton "Klasiken" me Tiranën

Një rezultat i bujshëm është quajtur sot triumfi i Vllaznisë që ndali Tiranën duke e mposhtur me shifrat 2-0 në Shkodër.

Vllaznia e Laszlos spikati sërish në shtëpi, njësoj si ndaj Dinamos, duke fituar 3 pikët e radhës. Tirana e Klafuriç ndërkohë qan rastin e pastër që Berisha humbi në pjesën e parë.

Ndërkohë në ndeshjet e tjera Laçi mori një fitore minimale por shumë të rëndësishme 1-0 kundër Vorës. Ndërkohë sfida mes Teutës dhe Elbasanit u mbyll pa gola në barazimin 0-0. Në renditjen e përgjithshme Teuta vazhdon të kryesojë e qetë me 20 pikë e ndjekur nga Egnatia me 18 pikë dhe Dinamo City me 12 pikë, dy skuadra që përballen mbrëmjen e së dielës.