Pas kuintave / Rama i kërkon llogari gazetarit: Ç'është kjo pyetje ?
Pas kuintave / Rama i kërkon llogari gazetarit: Ç'është kjo pyetje ?
Publikuar me: 05 Shk 2016

Kamera që ka ndejtur e hapur disa çaste më shumë se sa duhet, ka nxjerrë të palarat e kryeministrit Rama dhe të marëdhënies aspak normale që ai tenton të vendosë me mediat. 

Të hënën kur kryeministri ishte i ftuar në " 5 pyetje nga Babaramo", atij i ndodhi një incident. 

Kamera ndenji hapur më shumë sesa duhej dhe publikut iu desh të shihte se si sillet Rama me gazetarët. 

Ne momentet kur gazetari dhe i ftuari kujtonin se transmetimi qe ndërprerë dhe se publiku duhet të shikonte reklamat, Rama iu drejtua i pakënaqur Babaramos për pyetjet që po i bënte. 

Çfarë i ke këto pyetje...duke e ilustruar shqetesimin e tij me gjeste (duar-fytyrë).

Me një ton justifikues Babaramo fillimisht shikon nga një personazh i tretë (ai nuk duket në ekran) që me siguri duhet të jetë anëtar i kabietit të Ramës që është bërë garant për intervistën dhe më pas drejtohet nga Kryeministri, të cilit i thotë: "Po këto pyetje të kam bërë mooo". 

E vetmja gjë që nuk kuptohet me saktësi nga ky "gabim teknik", që i nxori të palarat intervistës së Ramës, është fakti nëse vërtet Babaramo po i bënte pyetje të ndaluara për të cilat nuk kishin rënë dakord më parë, duke përdorur një taktikë të njohur të gazetarëve intervistues që tjetër gjë premtojnë para dhe tjetër bëjnë kur futen në studio, apo Rama ankohej edhe për pyetjet që i dinte paraprakisht.

Sepse po të shohësh reagimin e gazetarit në video duket sikur ai mbrohet duke thënë se po i qëndron skaletit të paravendosur.

(video) Rama i kerkon llogari gazetarit: www.dailymotion.com/video/x3ql4ya_edi-rama-te-5-pyetje_news

Burimi: lapsi.al Editor: Redaksia Online Lexuar 630 here

Tags: edi rama

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)
EMRI