Vjollca Hoxha humbet mazhorancën e aksioneve në Top Channel
Vjollca Hoxha humbet mazhorancën e aksioneve në Top Channel
Publikuar me: 09 Maj 2016

Vjollca Hoxha ka humbur gjyqin për pronësinë e Top Channel.

Gjykata e Faktit ka hedhur poshtë pretendimet e administratores së përkohshme të Top Channel, Vjollca Hoxha, paraditen e sotme duke i dhënë të drejtë aksionerëve të shumicës.

Bashkëshortja e pronarit të ndjerë, Dritan Hoxha, kishte paditur dy ortakët Albert Cino dhe Aurel Baçi me pretendimin se ata duhet t’ia kthenin aksionet që zotëronin në televizion, për shkak se i shoqi ua kishte dhënë pa marrë firmën e saj.

Baçi dhe Cino zotëronin 60 % të aksioneve, ndërsa Vjollca Hoxha dhe fëmijët e saj, në tërësi kanë 40 % të aksioneve.

Vjollca Hoxha u bë administratore e televizionit pas shkarkimit të Enkelejd Jotit. Ajo mori firmat e aksionerëve të tjerë për t’u bërë administratore ligjërisht, duke u regjisturar edhe në QKR dhe fill pas kësaj i paditi aksionerët duke kërkuar marrjen e 100 % të aksioneve të Top Channel.

Ortakët që kishin shumicën vendosën ta shkarkonin pas këtyre lëvizjeve. Por Vjollca Hoxha e dërgoi vendimin e tyre në Gjykatën e Tiranës dhe e fitoi gjyqin e ndërmjetëm.

Gjykata vendosi ta pezullojë vendimin e ortakëve dhe deri sa çështja të shqyrtohej në themel, Top Channel do të drejtohej nga Vjollca Hoxha.

Por pas vendimit të sotëm, administratorja Vjollca Hoxha, ka humbur mazhorancën e aksioneve pasi Gjykata e Faktit u ka rikthyer dy ortakëve 60% të aksioneve (30% secili), të uzurpuar më parë nga ish bashkëshortja e themeluesit të televizionit.

Administratorja e Top Channel mësohet se do ta dërgojë në Gjykatën e Apelit vendimin e sotëm. Deri atëherë ajo nuk do të jetë e vetmja pronare e këtij televizioni, por një ortake në minorancë.

Lufta për aksionet e televizionit më të madh në vend vazhdon...

Burimi: veriu.com Editor: Redaksia Online Lexuar 537 here

Tags:
Imazhe nga Artikulli


Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)
EMRI: