Sherri për ''Bow Down'', prishet miqësia mes Noizy-t dhe Encës
Sherri për ''Bow Down'', prishet miqësia mes Noizy-t dhe Encës
Publikuar me: 08 Sht 2016

Duket se suksesi i hitit veror “Bow Down” është pasuar me një konflikt autorësie mes Noizy-t dhe Enca Haxhisë, të cilët prej vitesh ruanin miqësi speciale.

Pas arritjes së 30 milionë klikimeve në YouTube, ka qenë Enca e para ajo që ka shprehur entuziazmin për suksesin, duke shkruar në “Instagram”:

“Jam kaq e lumtur që shoh se si një këngë që unë e kam shkruar me kaq dashuri dhe pasion, sapo ka arritur 30 milionë”, duke deklaruar kështu se ajo është autorja e tekstit.

Por menjëherë pas këtij postimi ka reaguar Noizy, i cili ka korrigjuar Encën duke i thënë se në fakt e ka krijuar ai këtë hit:

“30 milionë, sa për të të korrigjuar Enca Haxhia.

Është diçka që unë e kam krijuar, në rast se harrove. Dhe po, je e falur. Paqe”.

Pak kohë më pas, të dy i kanë fshirë këto statuse aspak të këndshme nga faqja e tyre në “Instagram”, ndërsa Enca ka vijuar me disa postime të tjera në “Snapchat”, të llojit: “Unë dhe ai ishim të pandarë…”.

“Bow down” është klipi i kësaj vere i Noizyt- dhe Encës, dy artistët që shpesh janë përfolur për lidhje dashurie mes tyre.

Kanë kaluar rreth dy vite që kur reperi shqiptar Noizy dhe këngëtarja Enca u bënë bashkë për hitin e tyre “Ata nuk e din”, për ta vazhduar bashkëpunimin me një tjetër klip.

Një nga skenat më të përfolura ishte një foto e shpërndarë nga vetë reperi në rrjetet sociale, ndërsa ata shihen duke shijuar shampanjë në mes të detit, një moment ky shumë romantik mes tyre.

Që në pranverën e këtij viti ata i përgatitën fansat për një dyshe bombastike, duke shpërthyer në biseda të nxehta, pak para se të dominonin si çifti i këngëtarëve të vitit.

Me natyrën e hedhur, dhe me famën që mori në një kohë shumë të shkurtër, le të shohim si do të evoluojë marrëdhënia e Encës me Noizy-n.

Së fundi ajo është komentuar për një histori të re dashurie, ndërsa u akuzua për përdorimin e photoshop-it në fotot e saj. Këtë akuzë e përmbysi pasi postoi një foto pa filtra, ku dallohet dukshëm rënia në peshë.

Burimi: panorama.com.al Editor: Redaksia Online Lexuar 713 here

Tags:
Imazhe nga Artikulli


Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)
EMRI: