Ceremonia madhështore, Martohet Leka Zogu II dhe Elia Zaharia
Ceremonia madhështore, Martohet Leka Zogu II dhe Elia Zaharia
Publikuar me: 08 Tet 2016

Trashigimtari i fronit Mbretërorë Leka Zogu i II dhe e fejuara e tij Elia Zaharia janë kurorëzuar me martesë në ceremoni madhështore në Tiranë.

Edhe pse nipi i sh Mbretit të shqipërisë nuk gëzon asnjë status special të njohur nga shteti shqiptarë, atij ju atribua një shërbim i veçantë nga autoritetet politike dhe fetare.

Ceremonia e cila u mbajt në Pallatin e Brigadave (ish pallati mbreteror) nisi në orën 11:00 dhe u zhvillua në Sallën e Fronit, drejtuar nga Kryetari i Bashkisë së Tiranës, Erion Veliaj, nën bekimin dhe nga përfaqësuesit e klerit në Shqipëri.

Ceremonia e mbrëmjes së dasmës mbretërore mes Princit dhe Princeshës është shoqëruar me këngë të Tefta Tashko Koços.

“Tirana është qyteti ku jeni njohur ku keni ushqyer miqësinë, respektin e ku i shfaqët dashurinë njëri-tjetrit. Tirana është vendi ku do të ngreni folenë”, u shpreh Veliaj në ceremoninë e bekimit.

 Çifti mori bekimin e Myftiut të Komunitetit Musliman, të përfaqësuesit Ortodoks, Katolik, Bektashi, Protestant. “Në emër të Perëndisë, qofshi të bekuar”, thane ata.

“Këtë bashkim sot, miq e dashamirës të cdo etnie, me tituj pa tituj, urime do e shoqërojnë cdo ditë të jetës suaj. Shkëmbeni premtimet solemne”, tha Veliaj duke ftuar Princin dhe Elian t’i premtojnë njëri-tjetrit besnikëri, dashuri e harmoni.

Kryebashkiaku Veliaj: Ju Elia Zaharia, pranoni Princin Leka si bashkëshortin tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?
 
Elia Zaharia: Po!
 
Veliaj: Ju Princi Leka II, pranoni Elia Zaharia si bashkëshorten tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?

Princi: Po!

Pasi shkëmbyen unazat, dhe firmosën, Veliaj i shpalli; burrë e grua.

Pas këtij betimi, Elia Zaharia, do të mbajë mbiemrin Zogu.

FESTA
Dasma e Princ Leka Zogut me Elia Zaharian pas celebrimit nga kryebashkiaku Erion Veliaj kaloi një moment tjetër të veçantë; pritjen e të ftuarve dhe çiftit në Rezidencën Mbretërore.

Këngët dhe valle tradicionale shqiptare dhe një koktejl për të ftuarit krijuan një atmosferë elektrizuese. Vijnë në dasmë Mbretëresha e Spanjës, princër e princesha nga Austria, Belgjika, Egjipti, Gjeorgjia, Gjemania, Greqia, Italia, Irani, e më gjerë.
 
Hyjnë në rezidencë edhe prindërit e Elias; aktorja e njohur Yllka Mujo dhe babai i saj Gjergj Zaharia. Pas kaq vitesh larg njëri tjetrit ata po përjetojnë së bashku lumturinë për martesën e vajzës.
 
Rreth orës 1.00 të mesditës Elia Zaharia, princesha shqiptare hyn në rezidencë bashkë me Princ Lekën, tashmë të martuar para ligjit. Elia duket e bukur dhe madhështore. Ndërsa princ Leka është i lumtur. 

Në ceremoninë e shkëmbimit të unazave, u vu re mungesa e politikanëve, por ra në sy Ramush Haradinaj nga Kosova.

Organizatore Sadije Berisha
Ish nusja e Sali Berishës, Sadije Berisha është një nga njerëzit më të angazhuar në dasmën mbretërore. Jo vetëm sepse është mikeshë e Elia Zaharia, por sepse Sadije Berisha është konsulente e familjes mbretërore suedeze, ku ajo jeton prej shumë vitesh. Ajo ka ardhur për të qenë e pranishme në të gjithë organizimin duke qëndruar në zemër të organizimit të evenimentit me disa kolegë të kualifikuar të traditave botërore.

Pritet që gjatë mbrëmjes, do të mbajnë fjalën e tyre, edhe babai i Elia Zaharias, Gjergj Zaharia, Princ Leka II dhe Princesha Elia, për ta finalizuar festën me çastin e tortës në orën 24.00.

Dasma e Princ Lekës me Elia Zaharian ishte ngjarja e ditës për kryeqytetin. Përveç pjesëmarrjes së figurave të familjeve mbretërore nga e gjithë bota, në ceremoni nuk kanë munguar edhe personazhe publike të Shqipërisë.
 
Rona Nishliu, Olta Gixhari, Ardit Gjebrea, Soni Malaj, Rudina Magjistari, Marsela Çibukaj kanë qenë disa nga të ftuarit që kanë uruar çiftin Zogu.

Ardit Gjebrea ka shkruar: "Me princeshën Zaharia në ditën e saj të dasmës. Jetë të lumtur!"
 
"Jetë të lumtur e me shumë trashëgimtarë", ka shkruar Rudina Magjistari në postimin e saj.
 
Ndërsa Soni Malaj ka shkruar: "Shumë e lumtur për ty mikja ime. Të trashëgohesh dhe qofsh përjetë e lumtur me princin tënd".

Familjet mbreterore te huaja
Ndërsa të ftuarit e familjeve mbretërore nga e gjithë Europa ishin të shumtë siç tregohet edhe në listën e mëposhtme:

Austri
Duka Georg dhe Dukesha Eilika

Belgjikë
Princeshë Lea
Bourbon-Dy Siccili
Duka dhe Dukesha e Castro

Egjipt
Princ Ali

Gjeorgji

Princi Davit Bagrationi

Gjermani

Princi Georg Friedrich i Prusisë

Greqi
Princeshë Irena

Princ Michael dhe Princes Marina

Iran
Lart madhëria Farah Pahlavi

Itali
Princesha Maria Pia dhe Princesh Maria Gabriella e Savojës

Litenshtein

Prince Philipp dhe Princesh sabelle

Luksemburg

Princ Guillaume dhe  Princesh Sibilla

Mal i zi

Princ Nikola II Petrović-Njegoš

Marok

Princesh Lalla Meryem

Portugali

Duka dhe Dukesha e Braganza

Rumani

Princesh Margareta dhe Princ Radu

Rusi

Dukesha Maria dhe Duka George

Serbia

Princ Alexander dhe Princesh Katherine

Spanjë
Madhëria e saj Mbretëresha Sofi

Thurn dhe Taxis

Princesh Gloria
Princesh Elisabeta

Mbretëri e Bashkuar

Princ dhe Princesh Michael e Kent

Disa nga familjet e tjera fisnike të ftuara në dasmën e Princit Leka dhe Elia Zaharia:

Princ Michel i Yugoslavia

Princesh Maria Theresa nga Bourbon-Parma

Austri Joseph Karl Habsburg dhe Dukesha Margarete

Dukesha Johanna Sophie e Austrisë.

Burimi: shqiptarja.com Editor: Redaksia Online Lexuar 1009 here

Tags:
Imazhe nga Artikulli


Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)
EMRI: