Avioni më i madh në botë “A380” super-jumbo, e ka kaluar me sukses provën e parë. Gjiganti evropian që pritet të rivalizojë avionin amerikan “Boing”, është ngritur nga Tuluza e Francës dhe është testuar çdo pjesë e tij, që nga televizorët e deri te sediljet. A380 pritet të kryejë udhëtime shumë të gjata ajrore, që do të zgjasin nga 7 deri në 15 orë. Ai peshon 308 ton dhe mund të mbajë deri në 555 pasagjerë. Projekti për këtë avion është nga më të kushtueshmit dhe ka kushtuar plot 13 miliardë dollarë.